FIMM

Já, ég fékk fimm úr vefja og frumulíffræði.  Ég er hundóánægð með þessa einkun, jafnvel þó hún þýði að ég hafi náð.  En það þýðir víst ekki að velta sér upp úr því, á eftir fer í ég í próf í vexti og þroska og bara vonandi man ég eitthvað af því sem ég er búin að læra, þó að þessa stundina finnst mér einhver hafi komist í harða diskinn og eytt öllu út af honum.

En núna ætla ég í sturtu og vekja svo blondínuna mína, Telma var í strípum í gær og er orðin frekar ljóshærð og ofboðslega flott, og auðvitað þarf maður að vakna snemma til að slétta á sér hárið

Hugsið gáfulega til mín, kannski ég ætti að koma af stað samskotum um að fá smá gáfur hér og þar hjá þeim sem hafa ekki notað þær!

KNÚS

16.desember....

Er farinn að verða frekar langþráður á heimilinu, þá er húsmóðirin hætt að læra, síðasta prófið er 15. desember.

Ég er búin í tveimur prófum, í vefja og frumulíffræði og heimspeki, þetta voru að mér finnst erfiðustu prófin og ég er allavega ekki mjög óróleg, svo að annað hvort gekk mér þokkalega eða eiginmaðurinn hefur laumað einhverju auka í lyfjaboxið mitt.  Næsta próf er núna á þriðjudaginn, vöxtur og þroski, á föstudaginn er inngangur að iðjuþjálfun, þann fimmtánda er líffærafræði.  Mér finnst eiginlega miklu auðveldara að eiga við þetta allt saman eftir að klásusnum var aflétt, þá þarf ég ekki að keppa við neinn nema sjálfa mig og þá þarf ég ekki að vona að einhver sé lélegri en ég, þeir sem þekkja mig vita náttla, að ég er viss um að það er enginn lélegri en ég!!

jæja best að halda áfram með námið

knús á línuna

fyrsta prófið búið

jamm fyrsta prófið búið, var mætt kukkan 9.00 að staðartíma til að komast að því að ég átti að mæta kl !4.00 en það var svo sem allt í lagi, ég gerði ýmislegt á Selfossi sem ég hef ætlað að gera ( sem tók öruggleg hálftíma) og svo skoðaði ég í búðir og ( það ætti nú að koma lúðrablástur á undan þessu) og ég keypti engin föt, enga skó EN mig vantaði engil svo að ég fann einn í Blómavali. 

Næsta  próf er á föstudaginn í heimsspeki, og það er klukkan 14:00 

EN  þetta var samt ekki eina frægðarverkið mitt í dag, þegar ég var að standa upp frá prófinu, þá hrinti ég stól niður, einmitt þegar ég að var að reyna að læðast bara ég á ferðinni.

Læt þetta duga í bili...

ÍÍÍÍÍÍkea

Það sem það fer í taugarnar á mér þegar er alltaf talað um IIIIIkea í öllum auglýsingum, ætli þetta sé hinn eini rétti ikeaframburður fyrirskipaður af forstjóranum?  Varla þá væri meiri syngjandi í því.  Ég legg til að við mætum öll á Austurvöll í dag og mótmælum þessum framburði og segjum Í Í Í Íkea! Og fyrst við erum farin að mótmæla á annað borð þá má mótmæla þessum kulda, hvað það er dimmt og því að hafa einhver %$&//&($ próf. 

Sjáumst á Austurvelli

æi það er svo gott...

Að hugsa um það hvað maður hefur það í rauninni gott, þó að mér finnist þessa stundina ég vera á hverfanda hveli, er alveg óskaplega ringluð eitthvað og óróleg.  Ég hef undanfarið mikið verið að hugsa um pabba, hvernig hann fór, hvort hann var sáttur þegar hann fór, kannski horfir hann yfir öxlina á mér og hvetur mig áfram í náminu, Líklega eru þessar hugsanir tengdar heimspekinni því að ég hef undanfarin mánuð verið að lesa um siðfræði lífs og dauða, en ég vil trúa því að hann sé svona nálægur mér og þess vegna finn ég svo mikið fyrir návist hans.

Ég var á kyrrðarstund áðan og þá náði ég að hreinsa út gremjuna yfir því að enginn mætir á sjálfshjálparfundina, nema ég. Þó að ég sé skemmtileg þá er ég alveg jafnskemmtileg heima og í Hruna svo að ég ætla að hætta með fundina.  Ég var eitthvað að vera fúl yfir því að engin skyldi koma og það að ég skyldi leggja þetta á mig og bla, bla,bla, bla, bla, en svo sá ég að samkvæmt minni reynslu er mjög erfitt að koma sér á svona fundi og það gerist ekki svona einn tveir og þrír.  Ég er allavega sátt við að hætta því að þetta var tilraun sem heppnaðist ekki í þetta skiptið og ég reyndi allavega.  Kannski reyni ég aftur seinna

Næstu helgi verður aðventuhátíð Hruna- og Hrepphólasóknar og börnin "mín" ætla að vera með smá atriði þar, það verða allir að koma og sjá hvað þau eru dásamleg svo eru einhver aukaatriði eins og kirkjukórinn og svoleiðis

Þar sem þakkargjörðarhátiðin er framundan ætla ég að telja upp nokkur atriði sem ég er þakklát fyrir.

Fyrst og fremst er ég þakklát fyrir manninn minn, án hans væri ég ekki á lífi. Auðvitað er ég þakklát fyrir að eiga heilbrigð og vel gerð börn ( þó að þau reyni stundum á þolrifin). Ég er þakklát fyrir að eiga góða vini, góða fjölskyldu, fá tækifæri til að stunda nám og að hafa náð tökum á heilsunni, eins mikið og ég get stjórnað henni.  svo þegar ég sé hvað ég á margt og get gert margt þá er ég þakklát fyrir það.

Mér finnst gott að sjá hvað ég á margt sem er ekki fjárhaglegs eðlis og allt sem kreppan hefur áhrif  erékki á "þakklætis"listanum.

Bara smá væmni í gangi en hafið það sem best, knús á línuna.

félagsfælni...

Ég var að horfa á Ísland í dag áðan og þar var maður sem var að tala um félagsfælni, mér fannst þessar lýsingar  frekar lýsa ofsakvíða en félagsfælni. 

EN ég veit bara hvernig mín félagsfælni lýsir sér, ég á erfitt með að hitta fólk, vera innan um mikið af fólki, hringja í fólk og tala fyrir framan fólk, tók reyndar í dag hjá þeim á Kvíðamiðstöðinni svona félagskvíðapróf og það hefur aukist hjá mér félagsfælnin frá því í ágúst. Það þýðir bara að ég verð að takast á við fleiri áskoranir og hitta fleira fólk 

Eins og ég segi þá veit ég bara hvernig mín félagsfælni hegðar sér og get ekki sagt hvernig annarra fælni lýsir sér.

Vonandi gengur þessum manni og öllum öðrum sem eiga við geðræna sjúkdóma að etja vel í því sem þau eru að gera sér til bótar ( mér líka)

hafið það sem best

bara að spá

Það eru svo margir kvíðnir og hræddir í þessu ástandi að ég var að spá í að af hverju fólk fær ekki áfallahjálp, þetta eru fjármálalegar hamfarir,  ekkert ósvipað jarðskjálftunum í sumar þó að það sé ekki eins sýnilegt.

Ég hef talað við svo marga sem hafa miklar áhyggjur og vantar hjálp eða bara einhvern til að tala við en langar kannski ekki til leita til geðdeildar þó svo að hún sé góð til síns brúks. Fólk er óöruggt og veit ekki hvernig það á að snúa sér, hvað verður um eignir þeirra , hvort að það geti búið áfram í húsunum sínum og svo framvegis.

Kannski eru prestar og rauði krossinn ekki þjálfuð í slíku þ.e. fjármálastjórn og þess háttar, en þau geta veitt styrk og stuðning og kannski bent á leiðir til að njóta dagsins, á það sem það á, sem skiptir það máli , burtséð frá eignum-eignaleysi og líða kannski aðeins betur. 

Kannski ætti að skikka þessa háu herra sem ekki sést til lengur ( fyrrverandi eigendur bankanna) til að hlusta og... þarna ætlaði ég að segja gefa ráð, kannski er það ekki sniðugt í ljósi ástandsins

 þetta eru bara mínar hugsanir um málið, kannski eru þær komnar fram áður en  það má alveg velta þessu fyrir sér...

 

bara svona

Jæja, er að láta tímann líða þar til við förum í kirkjuskólann, er að hugsa um að svindla pínu því að ég ætla ekki að læra neitt á sunnudögum en það er mjög erfitt að gera það ekki þegar maður hefur lausa stund.  En ég ætla bara að lesa eitthvað smá

Ég er búin að setja upp plan fyrir lærdóminn fram að prófunum, sett upp í exel og alles það er komið á ísskápinn, svo er nú bara að halda sig við skipulagið

Börnin mín í kirkjuskólanum ætla að vera með helgileik á aðventuhátíðinni, ætla að fara að æfa þau á eftir.  Ég er alltaf með nettan fiðring í maganum áður en þetta byrjar, þetta hlýtur að vera góð æfing í kvíðastjórnun.

Hafið það sem best

smá eitthvað bara...

Hef svo sem ekkert að segja, sit bara og læri og læri, sumir eru viss um að ég endi á geðdeild áður en prófin byrja en ég ætla að láta það bíða allavega fram yfir próf en grínlaust þá er ég bara í mjög góðu jafnvægi en samt með kviða fyrir prófunum, en hver væri það ekki ef að sá hinn sami þyrfti að keppa við samnemendur sína um sæti til að komast áfram.

 En ég fékk fallegasta hrós sem ég fengið um ævina; "Þú getur ekki valdið mér vonbrigðum á meðan þú dregur andann", þetta gerist bara ekki flottara  ég var eitthvað að tala um að ég ylli vonbrigðum ef ég næði ekki inn í námið og fékk þetta svar

jæja núna ætla ég að halda áfram að læra (pulsa með rjóma)

knús handa öllum sem vilja

 

Ég ætla til Ísrael....

Loksins kom eitthvað fyrir okkur sem eru stórar og stæðiegar.  Ég ætla að taka þátt í næstu keppni, en reyndar þarf eitthvað fleira en að vera fitubolla, en það er ár til stefnu það er ýmislegt hægt að laga á þeim tíma

Fröken feit og falleg