Gott að eiga góða vini

Kærar þakkir fyrir alla góðu commentin frá ykkur.

Mér líður miklu betur núna, er búin með verkefni sem ég þurfti að klára svo að ég er bara klár í rauðvínið

Hafið það sem allra best,  hugsa til ykkar í sólinni.

KNÚS

 

svakaleg líðan...

Í gær fékk ég póst um að ég fengi ekki leyfi til að fara til Íalíu frá skólastjórn og mér er búið að líða hrikalega illa síðan, ég fer það ekki spurning en ég er ekki alveg viss um að ég njóti þess eins vel og ég hefði annars gert.

Ég hef varla hugsað um annað í allan dag,  sama hvað ég reyni að segja sjálfri mér að þetta verði allt í góðu, ég myndi ná þessu öllu upp aftur þá er púkinn á  öxlinni ansi hávær því ég heyri varla rökin sem ég er að reyna koma með.  Ég er svo sem búin að segja kennurunum að ég verði ekki næstu tvær vikur og það er allt í góðu þeirra vegna, en samt púkinn stækkar og stækkar og sligar mig bráðum.  En ég bara reyni að taka róandi og vona að allt lagist

Mér finnst mjög gaman í skólanum og vonandi verður allt bara í góðu.

Hafið það gott

Ítalíufarinn

Sambíó eða Selfossbíó...

Við fórum í bíó í gær... svo sem ekki í frásögur færandi en af hverju er ekki hægt að láta myndirnar byrja á réttum tíma?   Við fórum um daginn á Simpson og þá var myndin byrjuð þegar við komum, við vorum á réttum tíma, myndin var auglýst klukkan átta og við vorum komin korter fyrir og myndin var byrjuð, í gær vorum við komin á réttum tíma, korter fyrir átta en auglýstur sýningartími var átta en það var ekki byrjað að hleypa inn fyrr en korter yfir átta!  Þetta er allt í góðu ef um eitt skipti að ræða en þetta er í hér um bil hvert skipti sem við förum í bíó að sýningartími stenst ekki, má þá ekki bara hafa lengri tíma á milli myndanna?  Mér er alveg sama hvort að myndin byrjar klukkan átta eða hálf níu, málið er að auglýsa réttan tíma svo að maður geti notið þess að fara í bíó án þess að vera orðinn hálffúl vegna þessa.  En við sáum Astrópíu í gær, mæli með henni, hún er ferlega skemmtileg.

En hafið það gott í dag

Jæja skólinn byrjaður...

Jamm, þá er skólinn byrjaður, mér líst bara mjög vel á þetta allt saman, finn ekki til neins kvíða að ráði, finn ekki þörf hjá mér að tala við námsráðgjafa um félagsfælni eða þunglyndi, samt gott að vita af þeim ef maður skyldi þarfnast þeirra, er reyndar að spá í að stinga upp á við þau að koma á fót sjálfshjálparhóp fyrir unglinga með geðraskanir, því að það er ekkert fyrir þau á selfossi, ég held að þörfin sé mikil, krakkarnir vilja ekkert vera með fullorðnu fólki í svoleiðis enda eiga þau ekki samleið því að það eru önnur vandamál sem hrjá unglingana en þá fullorðnu.

Ég er mjög ánægð með allt saman í kringum mig núna, að mestu leyti, reyndar farin að kvíða fyrir að segja í næstu viku kennurunum að ég verði ekki næstu tvær vikur en vonandi get ég bara unnið mest áður en ég fer en ég læt þetta ekki skemma fyrir mér

Ég ætla að fara að hreyfa mig aftur, bara búin að liggja í leti síðastliðinn mánuð,  ekki nógu gott.

Farin út að labba...... hafið það gott

Skóli......

Jamm og jæja,

Nú eru allir að byrja í skólanum eftir dásamlegt sumarfrí,  Örvar fer í dag í ML til að kvelja einhverja vesalings nýnema sem hafa ekkert gert til að verðskulda það.  Ég byrja á morgun og gælupúkarnir mínir eru orðnir þokkalega háværir en ég kyrja bara: 'EGGETÞETTAALVEG'EGGETÞETTAALVEG og ef ég segi það nógu oft fara púkarnir að trúa því líka og fara að kyrja þetta líka

Þetta sumar hefur verið frábært og einhvern veginn allt svo auðvelt og gaman að öllu, oftast nær, sumarið er reyndar ekki búið því að ég á eftir að fara í TVÆR vikur til 'ITAL'IU.  Reyndar með smá hnút í maganum yfir að taka stelpurnar úr skólanum og mig en ég er viss um að þetta verður allt í góðu lagi.

Best að fara að finna stóra barnið mitt til fyrir skólann, svo að hann fari með eitthvað af viti, ekki bara sjónvarp og tölvu.

Heyrumst..

MYNDIR...

Setti inn nokkrar myndir frá ferðalögum og gönguferðum

styttist í skólann..

Það hlakka allir til skólans á þessum bæ......

Örvar hlakkar mest til að fara í skólann því að hann er núna á öðru ári og fær að busa aumingjana sem eru á fyrsta ári....

Telma hlakkar til vegna þess að hún hittir vinina og þarf ekki lengur að vinna í minkahúsinu.....

Sandra hefur ekki gefið út neinar yfirlýsingar en hún er allavega spennt fyrir skólabyrjun, krossum fingur

Ég hlakka til af því að þetta er NÆST síðasta önnin mín, ég er á síðasta ári.  Reyndar er þetta svona fyrsta skiptið sem ég hlakka meira til en ég kvíði, það er mjög gaman.  Er jafnvel að spá í að láta ekkert vita af félagsfælninni, en það er betra að segja frá þunglyndinu, just in case.

Ég hef verið að hræra í lyfjunum mínum í þeim tilgangi að lækka hvíldarpúlsinn, sem er EKKI gáfulegt því að það virðist sem að þessi lyfjakokteill minn passi mér fullkomlega svo að það er betra að láta allt fikt við hann eiga sig svo að ég haldi mig sólar megin í lífinu. 

Við fórum á Kirkjubæjarklaustur um síðustu helgi, það var alveg frábær ferð, að vísu var rigning meiri hlutann af tímanum en það var alveg logn og hlýtt svo að það kom ekki að sök.  Við fórum inn í Laka og sáum gígaraðirnar, það er rosalegt að sjá hvernig móðir náttúra getur látið.

Nú styttist í Ítalíu allir að verða spenntir, hef bara heyrt góða hluti af staðnum, þetta verður bara gaman.

Jæja læt þetta duga í bili......  Hafið það gott

 

Laxárgljúfur.....

Þau eru einn fallegasti staður á landinu,  ekki bara af því að þau eru í minni sveit.  Í gær  fórum við nokkur og gengum gljúfrin 16 km alls.  Ég er mjög ánægð með að hafa farið þetta og ekki bara ég heldur gekk mamma þetta líka að verða 65 ára, hún er sko hetjan.

Það eru bara 27 dagar þangað til við förum til Ítalíu og ég hlakka rosalega til.  Þetta verður bara frábært, sól og hiti í stað allra lægðanna sem koma venjulega í sept, því að ég er yfirleitt mjög slæm í skrokknum þegar lægðirnar koma hver á fætur annarri.

Örvar minn er í Eyjum á þjóðhátíð og vonandi skemmtir hann sér vel,  ég man eftir hvað það var gaman þegar ég fór ( fyrir 18 árum síðast) en samt hef ég náttla áhyggjur af honum, en ég meina ég er mamma hans og mér ber eiginlega að hafa áhyggjur

Læt þetta gott heita í bili..........hafið það gott.

Heimur versnandi fer....

Það eru meiri ósköpin sem ganga á á þessu annars ágæta landi okkar.  Maður heldur alltaf að við séum svo góð og ekkert slæmt gerist hér,  þetta eru mjög sorglegir atburðir og margir sem eiga um sárt að binda, fyrst að ég er í sjokki þá get ég ímyndað mér hvernig aðstandendum þeirra sem hafa orðið fyrir miklu áfalli líður. Ég votta öllum aðstandendum samúð mína.

Ég fór í dag ásamt stelpunum og eiginmanni í útimessu og fórum síðan í góðan göngutúr í framhaldi af því, svo fórum við á nýtt kaffihús hér í sveit og fengum okkur verðskuldað kakó og köku.  Næstu helgi ætlum við að ganga Laxárgljúfur, þarf að leggjast á bæn og biðja um gott veður, annars er allt nema hávaða rok og  lárétt rigning í góðu lagi.   Vonandi komast sem flestir með, bara að láta vita í tíma til að redda fari uppeftir.

Annars er allt í góðu gengi, fer í sund og að ganga og reyni að horfa á björtu hliðarnar

sko....

þetta er alveg ótrúlegt kæruleysi,  þetta er fullorðið fólk sem reykir, í flestum tilfellum, og ætti því að vita betur.

Það er hvarvetna sem maður fer eru sígarrettustubbar, ég fór Leggjarbrjót og þar í ósnortinni náttúrunni liggja sígarretturstubbar, ég týndi þá nú upp því að mér fannst  hrikalegt að sjá svona óvirðingu við náttúruna. 

Eldur á klettasyllu í Hestagjá