Vá ég er byrjuð að blogga

Jæja gott fólk

Ég ákvað að skella mér í að blogga eins og aðrir íslendingar,  mér liggur svo margt á hjarta og það er synd og skömm að sitja ein að því.

Ókey.......

Ég ætla fyrst að minnast á hvað ég er búin að vera dugleg í dag: Búin að labba í rúman klukkutíma um hóla og hæðir, sem er ekki auðvelt!!  Næst gerði æfingar með henni Ágústu Johnsson vinkonu minni, en hún gaf sér ekki tíma til að koma í persónu þannig að ég notaði bara upptöku af henni á DVD, svo er ég búin að vera að læra eins og vitleysingur fyrir enskupróf á morgun, nú er nóg komið að sjálfsánægju minni.

Ég þjáist af þunglyndi og félagsfælni og hef undanfarin ár reynt að finna einhverja leið til að líða betur og mér tókst það heldur betur.  Ég fór til dásamlegs sálfræðings, hennar Írisar og hún lét mér líða betur, hún skráði mig líka á félagsfælni námskeið hjá Geðdeild Landspítalans.  Þar er sko frábært fólk, Sóley, Sigurbjörg og Brynjar, þau létu okkur gera allskonar æfingar og gera okkur að fíflum á hinn ýmsasta hátt. Einu sinni fórum við í Kringluna og fórum í Hagkaup og hentum niður úr hillum og spurðum um hvernig fisk ætti að hafa á aðfangadagskvöld (ath þetta var í byrjun okt) og svona gekk þetta fram á vor.  Núna ætla ég að fara á félagsmálanámskeið til að koma fram og halda ræður sem er eitthvað sem ég hefði ekki ímyndað mér að ég ætti eftir að fara í með fúsum og frjálsum vilja.  Þannig að með lyfjunum sem ég er á og öllum æfingunum, get ég verið eins og aðrir og jafnvel aðeins meira, því að ég tek öllum vandamálum sem áskorunum um að nú sé lag til að ég verði enn áræðnari.  Þetta endar með því að eg býð mig fram!!!!! NOT

Jæja nú ætla ég að æfa mig í að lesa, er nefnilega ða lesa Mýrina, fór á myndina og þarf að lesa bókina líka.

Hafið það gott og gerið ykkur endilega að fíflum, það er mjög gott fyrir sálina.

Kveðja

Jóna

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.