Upp upp...

Mín sál og allt mitt geð, er að reyna að æfa mig í fjallgöngu og þó að hugurinn sé tilbúinn er líkaminn eitthvað að mótmæla.  Þetta er farið að fara frekar mikið í taugarnar á mér því ég vil geta meira, en líklega verð ég bara að reyna betur, meira og á endanum hlýtur þetta að koma.  Við Diddi fórum á Hestfjall á Skeiðunum og það er frábær ganga en mikið öfundaði ég eiginmanninn sem skoppaði upp eins og íþróttaálfurinn meðan ég stoppaði svona um það bil 100 sinnum á leiðinni. EN það sem máli skiptir er að ég komst upp.

Fór í kvennareið í tilefni af 19. júní og það sem mér fannst eiginlega best við það allt saman er að Anna P systir kom líka, við áttum góða stund og riðum mjög fallega leið og hefðum alveg viljað fara lengra og næst ætlum við að taka með okkur pela og ríða alla leið. 

Mér líður vel í dag, búin að labba á eitt fjall og er ekkert svo þreytt eftir það.

Set inn myndir frá Hestfjalli og kvennareiðinni

Athugasemdir

[Sigga (IP-tala skráð) 23.6.2008 kl. 23:35]

já ekki verra að eiga eiginmann sem er eins og íþróttaálfurinn sjálfur, bara skoppar á einni hendi upp fjallið gerir álfurinn það ekki annars

Hvaða fjall er svo næst á dagskrá?

Kv. Sigga