Komin niður úr skýjunum...í bili

Er enn alveg að springa úr gleði.

Við fórum í Skaftafell um helgina og það var alveg frábært, við gengum nokkur inn í Bæjarstaðaskóg, um 15 km, í þvílíkri blíðu svo að allir urðu frekar rauðir af sólbruna.  Á sunnudeginum fórum niður Skeiðarársand til að athuga með þetta gullskip sem er alltaf verið að leita að, en við sáum hvorki tangur né tetur af en ferðin niður á sandinn var frekar glæfraleg því að sums staðar kom vatnið upp úr sandinum á eftir bílnum  svo að það var betra að vera ekki að stoppa mikið þar sem bleyta var, því að það er enginn leikur að ná bíl upp úr sandbleytu.

Við fórum heim á mánudaginn og vorum bara mjög ánægð með ferðina. 

Í gær fórum við í langan bíltúr með stelpurnar og mamma kom með, byrjuðum á Gjánni í Þjórsárdal og enduðum í Fljótshlíð, alveg frábær dagur. Set inn myndir frá ferðalögunum.

Knús og kossar

 

Athugasemdir

[Sigga (IP-tala skráð) 19.6.2008 kl. 11:13]

Aldeilis dugleg í ferðalögum, líst vel á ykkur, það er svo gaman að skoða landið.

kv. Sigga