Farin að ganga beint aftur..

Jæja þá er ég komin á beinu brautina aftur eftir að hafa ranglað um eins og dauðadrukkin hæna ( ekki það að ég hafi nokkurn tíman séð dauðadrukkna hænu), farin að ganga beint, hún Bylgja mín togaði næstum því hausinn af mér og náði þessari festu sem olli því að mig svimaði svona innilega, þannig að ég bara afpantaði tímann hjá svimalækninum og ætla bara að skrifa ritgerð í stað þess að fara í bæinn.

En þegar maður er eitthvað öðruvísi en hinir finnst manni allir alltaf horfa á mann, ég ef stundum sagt að það væri betra ef það sæist á manni að maður sé með vefjagigt, en ég held ég taki það bara aftur,  ég hugsa að ég færi ekki út úr húsi ef að ég væri með einhver áberandi einkenni.  Þó að ég sé að nálgast það að verða athyglissjúk þá held ég að mér sé ekki sárt um svoleiðis athygli.

Er komin á fullt í átakinu aftur, hefur bara gengið vel í þessari viku, fer á tækið mitt á hverjum degi og syndi tvisvar í viku.  Kannski geri ég eitthvað meira þegar á líður, það er aldrei að vita, það er ágætt að byrja hægt en auka svo í , heldur en að byrja á alltof mörgu og gefast síðan bara upp á öllu saman.  Ég nenni reyndar ekki út að labba, það er alltaf rigning og rok, en það kemur kannski bara síðar.

Ég er svo ánægð með sjálfshjálparhópinn, ég var alveg viss um að það kæmi enginn ( alltaf jafn bjartsýn) en við vorum fimm, þetta var bara mjög góður fundur og ég hlakka til næsta fundar.

Jæja ætla að byrja á ritgerðinni ( á að skila á mánudaginn, alltaf jafn fljót að koma mér að verki)

Hafið það sem best

Knús á línuna

Athugasemdir

[Unnur (IP-tala skráð) 19.10.2007 kl. 10:18]

Frábært að það sé runnið af hænunni   Þó læknar séu voða góðir þegar maður þarf á þeim að halda er alltaf gott að komast hjá því.

Ég var að vísu farin að hlakka til að fá Þig í kaffi  en þú átt það bara inni. 

Láttu þér líða vel og gangi þér vel með ritgerðina.

kv

Unnur

[Anna Pálína Guðmundsdóttir, 20.10.2007 kl. 17:51]

það er gott að þú ert komin á beinu brautina aftur og farið að líða betur.

Kveðja Anna P