Eitthvað annað en að læra.................

Ég er að sofna yfir ensku leikriti, THe Importance of Being Earnest eftir Oscar Wilde.  Þetta er svosem alveg ágætis leikrit, en málið er í 19. aldar stíl svo að það er mikið um lööööng óþarfa orð sem ég verð að fletta upp í orðabók, en þetta leikrit er ritgerðarefni á enskuprófinu sem verður á miðvikudaginn.  Það er miklu betra að eyða tímanum í að blogga einhverja vitleysu en að læra

Við hjónin gengum í gær í kringum eitt fjall, mér fannst ég vera þokkalega dugleg að labba en þegar maðurinn minn elskulegur er með mér, þá virðist mér ég ekki ganga neitt rosalega hratt, þegar ég var hætt að geta andað, þá bað ég hann um að hægja aðeins á sér ef að hann vildi ekki þurfa að bera mig heim.  Þó að það séu nokkur kíló farin þá er enn slatti eftir svo að mér verður ekkert slengt yfir aðra öxlina.  

Við hjónin vorum ein heima í gær, dæturnar fóru í vorferðalag með kórnum svo að við vorum bara tvö gömlu heima, ferlega skrýtið, en svo rættist úr því, það komu gestir svo að við þurftum ekki að reyna að tala saman.

Á laugardaginn var fermingarveisla nr. 2, við buðum frænkum sem ekki komust í veisluna í mat og fórum síðan á karlakór Selfoss í Félagsheimilinu.  Þeir byrjuðu á Árnesþinginu svo að maður fékk gæsahúð og alles.  Það eitthvað við svona söng.  Þetta var bara gaman.

Jæja hafið það gott, er farin að lesa leikrit.........

 

Athugasemdir

[Ólöf , 7.5.2007 kl. 12:52]

Þú ert ekkert smá dugleg í þessu labbi !!! Vinsamlegast sparkaðu í rassinn á mér þegar við hittumst og reyndu að smita mig af þessu

[Fríður Sæmundsdóttir, 7.5.2007 kl. 18:46]

Já takk kærlega fyrir okkur  í fermingarveslu nr.2...ekkert smá gott

Ég er sammála þér að það sé eitthvað við svona söng, eins og karlakóra....bara gaman!!

En gangi þér vel að læra...