Bubbles.... leikur skrattans!

http://www.leikjanet.is/?gluggi=leikir_spila&leikur=158

Þessi leikur er alveg hrikalega ánetjandi, maður sogast að honum eins og fluga að ljósi og Zapp maður er fastur í gildru hans, það ætti að vera viðvörun á honum t.d. hentar ekki húsmæðrum sem sitja í draslinu og þurfa að auki að læra undir próf, gæti haft skaðleg áhrif á árangur í tiltekt og lærdómi.

Ég hef það annars bara ágætt, er að vísu með svo mikinn svima að það er eins og ég hafi drukkið 20 bjóra, eina vískiflösku og nokkur skot.  Það er svolítið fyndið að sjá mig,  það er eins og ég sé full, ég þarf að ganga með veggjum ef ske kynni að ég myndi missa jafnvægið.  Þetta eru nú bara afleiðingarnar af því að liggja upp í rúmi til hádegis í gær, ég fékk vöðvabólgu sem virkar svona skemmtilega, en það verður í góðu lagi því ég fer í sjúkraþjálfun á þriðjudaginn.

Fór á tónleika Karlakórs Hreppamanna í gær, alveg frábærir tónleikar.  Það er gaman að sjá fullt af körlum af öllum stærðum og gerðum að þenja sig uppi á sviði í Suðurnesjamönnum eða Árnesþingi, maður fær bara gæsahúð

Stundum fæ ég svona flog ( ekki alvöru flog) svona guðminngóðurhvaðerégbúinaðgera flog, þegar ég uppgötva hversu bekkjarmótið nálgast, en ég drekk bara 20 bjóra, eina viskí og nokkur skot,  það gæti verið vandkvæðum bundið því mér finnst þessir ágætu drykkir alveg forvondir en þá þigg ég þessar hendur sem mér hafa verið boðnar.

Eftir að ég fór á félagsfælninámskeiðið hef ég litið á svona hluti sem áskorun,  ég tek áskoruninni og veit að mér líður betur á eftir, en guð hjálpi fólkinu mínu viku áður en mótið er, ég verð örugglega rekin að heiman og fæ ekki að koma heim fyrr en ég hef róast aftur.

En ég er hætt að hlaupa í felur með hluti og læt því allt flakka............

Ég var að skila verkefni um meðvirkni og las bók sem heitir aldrei aftur meðvirkni, ég held að þessi bók ætti að vera skyldulesning, því að allir eru einhvern tíman meðvirkir.  Ég er allavega bullandi meðvirk og ætla mér að nota sumarið til að bæta úr því.

jæja best að hætta og fara að læra (bubbles) Hafið það rosa gott

 

Athugasemdir

[Fríður Sæmundsdóttir, 29.4.2007 kl. 10:26]

vá hvað ég er sammála með þennann skrattans leik bubbles...hef svo oft lent í klóm hans, sérstaklega rétt fyrir próf og verkefnaskil Og síðast bara í gærkvöldi

En gangi þér vel í prófunum, ef allt klikkar þá er bara málið að teikna upp bubbles á blaðið

[Ólöf , 29.4.2007 kl. 11:32]

Já bubbles er skelfilega ánetjandi ! kannast vel við það  en þessa dagana er ég föst í þessum http://www.leikjaland.is/games_swf.php?idcat=11&idGame=1556     algjör tímaþjófur !!  En já bekkjarmótið nálgast ansi hratt en þetta verður bara gaman  Gangi þér vel í lærdómi og prófum, bestu kveðjur

[Dísa (IP-tala skráð) 29.4.2007 kl. 12:07]

Kannast við svona leiki.

Ein bók um meðvirkni sem ég las fyrir nokkrum árum og þótti góð heitir Gúmmíendur synda ekki og er held ég skráð af Súsönnu Svavars. 

[margrét auður (IP-tala skráð) 29.4.2007 kl. 13:04]

Úff hef aldrei skilið tölvuleiki en hef prófað að vera háð mörgu öðru

En í hvaða skóla ertu? Já gott hjá þér að opna bara á allt saman það er eina leiðin til að hreinsa út. Annars grasserar allt saman inni og fer aldrei neitt.

Eigðu góðan sunnudag dúlla.

[Jóna Heiðdís Guðmundsdóttir, 29.4.2007 kl. 16:01]

Ég er í Fsu, og klára stúdent næsta voref allt fer eins og það á að fara.