Skáldagáfa.....ég bara finn hana ekki hjá mér

Ég er að vinna verkefni í íslensku þar sem ég á að finna út tákn í ljóðum og myndmál og þess háttar, ég held að´þessa greind vanti hjá mér,  reyndar get ég bullað út í eitt en það er nú ekkert rosalegt vit í því.  Kannski fær ég 3 bara fyrir að bulla

Ég fór og heimsótti dóttur mína þar sem hún er í starfsþjálfun á vegum skólans í samstarfi við stuðningsbrautina, ég fékk heilmikið hrós um hvað ég ætti duglega stelpu svo ég ætla að taka aftur allt sem ég sagði um gelgju í gær, þau eru bestu skinn, þetta eru bara hormónarnir þau eru englar inni við beinið.  En það er frábært að þau geta fengið að brjóta upp námið á þennan hátt, farið úr ströggli við bóklestur og notað það sem alla vega hún hefur í miklum mæli, verkvitið sem vegur mjög upp á móti öðrum lakari þáttum.  Það er nefnilega ekki allt fengið með því að sitja á skólabekk (segir eilífðarstúdentinn), það fæst líka heilmikið úr því að vinna og fá að gera eitthvað með höndunum og ég er bjartsýn á að hún eigi eftir að pluma sig vel í lífinu, þó að það komi kvíðaköst öðru hvoru yfir því.  Ég hef kynnt mér starfsbrautina við Fsu og hún er mjög góður og spennandi kostur.  Einn punktur er líka sá að af hverju þarf alltaf að reyna að ná 10 ef að 5 dugar ágætlega, er ekki betra að kunna þessa 5 vel heldur en að kunna þessa 10 illa! Pæling!

Reyndar held ég að ég þurfi einhverja meðferð við því að börnin stækki, ætli það sé ekki til einhver svona mömmurþurfaað læraað sleppatakinu kúrs?  Ef ég mætti ráða væru þau öll um sex ára aldur og væru háð mér um aldur og ævi.

Kannski ekki....

 

Athugasemdir

[Fríður Sæmundsdóttir, 21.3.2007 kl. 17:28]

Ég fór einmitt í heimsókn til þroskaþjálfans í FSu í gær og fékk að skoða starfsbrautina. Þetta er mjög flott braut hjá þér og mjög spennandi starf unnið þar. 

Ég fór á málþing sjónarhóls sem var haldið núna 8. febrúar og þar voru m.a. foreldrar sem voru að segja frá skólagöngu barnsins síns í norðlingaskóla (er að fara í heimsókn þangað á mánudaginn) . Þau byrjuðu á því að lesa litla dæmisögu og mér datt þessi saga í hug þegar ég las hérna hjá þér hvort það væri ekki betra að kunna þessa 5 vel heldur en þessa 10 illa. Ég pikkaði söguna upp og ætla að senda þér hana í pósti.

það er hægt að hlusta á þetta málþing á síðu sjónarhóls: http://www.serstokborn.is/Default.asp?Sid_Id=9452&tId=2&Tre_Rod=&qsr hægra megin á síðunni er linkur inná málþingið.

Langaði bara að deila þessu með þér...þessi dæmisaga er alveg frábær og segir manni svo margt!!!

kv.Fríður

[Fríður Sæmundsdóttir, 22.3.2007 kl. 22:45]

ég fæ póstinn sem ég er að reyna að senda þér alltaf til baka...en ég held áfram að reyna:)

 og ég gleymdi...flott nýja útlitið á síðunni